الأديب الكاتب القدير د. السيد على الفن/ عن نصه الرأئع/ ده صاحبي
............((( ده صاحبي )))...........
صاحبي اللي ماليش غيره
في وقت الشده ب يطبطب
ولو لحظه أغيب عنه
قوام يسأل و لا يهرب
و عمره يوم ما يجرحني
ولا ف سره كده يغضب
لفرحه أفرح ويفرح لي
ده مين زيه أخد صاحب
أأمنه حتي علي روحي
عشان راجل صاحب واجب
يرد هيبتي لو غايب
و لا مره كده يكدب
ولا يخيب ف يوم ظني
وأنا في شدتي و ضعفي
ومهما أقول ب ينصفني
و عمره يوم ما يكسفني
يخبي في حزنه وآلامه
و بيداري الهموم عني
ده صاحبي وحته من قلبي
و توأم روحي أنا و عمري
و أفديه بروحي وبدمي
و لو يطلب ياخد عيني
كفايه انه شبه مني
فداك قلبي يا واد عمي
يا صاحبي وتوأمي وروحي
يا أغلي عندي من نفسي
يا ضحكه بينا مقسومه
يا شمسي و دنيتي و ضلي
تموت النخوه من بعدك
و بعدك أيه ها يفضلي
يا دعوة أمي طول عمري
يصونك م العيون ربي
كلمات الاديب الشاعر.د/السيد علي القن
تعليقات
إرسال تعليق