الشاعر القدير أ. محمد كريم البديري/ عن نصه الرأئع الجميل/ اعله نيتنه نحب الناس
اعله نيّتنه نحب الناس
ليش الناس خوّانه ؟
يظل بينه العرج دسّاس
نوفي الماوفه ويانه…
♕♕♡♕♕
اعله نيّتنه نحب صافي
ونوفـي المارضـه يوافي
عشگ عدنه عشگ دافي
بنينه وشـاخ بنيانه…
♕♕♡♕♕
اعله نيّتنه وطبعنه انجود
امن الموجود والماجود
كرم عدنه وشرف موجود
الثريّا اتشيل عنوانـه…
♕♕♡♕♕
اعله نيّتنه وعلى الفطره
نصـون الزاد والعشــــره
أخذنـه ابهالوضع شمره
جبل مهيـوب نيشـانه..
♕♕♡♕♕
اعله نيّتنه اعله طيبتنه
نحب بطبــــاع ديرتنــه
ليش الناس عافتنه ؟
وليش الناس خوّانه ؟
♕♕♡♕♕
اعله نيّتنه نحب الناس
ليش الناس خوّانه ؟
يظل بينه العرج دسّاس
نوفي الماوفه ويانه…
♕♕♡♕♕
بقلمي/
الشاعرمحمدكريم البديري.
تعليقات
إرسال تعليق